金龍冰室。 川湘菜

营业中

休息中

放咗工去男朋友去荣辉商场食饭，男朋友话想食辣嘢，所以去咗金龙冰室川湘菜！惹味杂锦香锅🥘呢个有鲜虾，鱿鱼，猪肉，冬菇的杂锦香锅，材料丰富。因为有辣椒加芫荽同芝麻一齐炒，所以真系非常惹味！农家小炒肉🐖清新嘅农家小炒肉，非常好味！辣椒清爽鲜甜，呢个青色辣椒系唔辣的，肉片系腩肉片，瘦肉和油脂层层分明，非常非常好味！避风塘鱿鱼须🦑鱿鱼新鲜爽口弹牙，非常有咬口！炸到香脆嘅鱿鱼酥，配上避风塘炒饭，充满蒜味，辣味同香味十足，香味系口里酝酿好耐！