小白鷺餐廳 (已結業)

星期日一行四人约左去大埔小白鹭餐厅庆祝其中两位朋友生日，交通不算方便，揸车过黎反而都几多位泊，入到黎等朋友既时间可以带小朋友睇下黑羊，踩下船仔，一家大细都系一个温馨亲子的活动。郊外既地方踏入春夏都怕怕地坐户外有蚊，但系面对怕蚊同对住湖景食餐写意午餐，我地最后系选择坐户外，唔系太热，望住d家庭系湖上踩船同远远白鹭飞来飞去，都算享受生活。我地叫左三份七成熟既牛扒午餐，牛扒都算厚身同大份，肉质都几林，都算有牛味，配菜份量足够，蔬菜平衡番肉既肥美，另外柯打左一份鱼白汁天使面既午餐，味道同卖相都唔错，浓浓既白汁好creamy，配上鱼块好合衬，每份午餐配上餐汤、面包同餐饮，每份价钱都系百松d蚊，唔算太贵，我地食埋自带生日蛋糕都唔洗另收费，得闲揸车黎玩下都几开心，出面仲有小店卖精品，又可以去贡下。