囍雲天酒家 (已結業)

要黎观塘工厂区买野，顺便黎食埋午餐，拣左囍云天，本来去apm楼上嘅茶楼，但太多人，宁愿行远少少过黎呢便唔使等位。行到过黎，果然唔使等，好多吉枱，坐返上次黎个张枱，成年几无黎啦。唔知食咩好，叫住少少先。海蜇青瓜，整返个头盘小食先，海蜇几夹口，青瓜清新，但个调味汁好甜，怪怪地，食开酸辣味，唔估倒呢度系甜嘅。牛栢叶，味较淡，萝卜吸左汁侧几好味。点心并盘，有虾饺，粉粿，叉烧包，红枣糕，菜苗饺，黄金糕各一，蒸得太耐，全部都淋哂，包类湿左，变得唔好食。菜苗饺一夹即烂，呢盘野唔掂。两个人食左少少野咋，留返下午茶去第二度食过啦。