甜甜咖啡 (已結業)

有时好多野做，做到连食野既时间都无。如果可以既，食番一餐好既都唔系一个过份既要求。我好钟意呢间餐厅，虽然面积唔大，但坐得好舒服。而且野食都有番咁上下好食。虽然食物系差唔多，但食极都唔会厌。忌廉汤及牛角包其实唔使讲太多，次次都系呢个配搭。因为忌廉汤真系好好饮，好滑但又唔会太稠。餐汤配上香脆可口既牛角包真系绝配，好正。黑椒牛仔骨唔会比牛扒既份量细，但又有牛扒既鲜味。真系唔错。黑椒汁既味道唔会太辣，可算系温和既。而配菜既炸薯仔系用过红椒粉再炸，有心机。龙柳配天使面龙柳个汁酸酸地，而且鱼既肉质算几鲜嫩。个汁同天使面好夹。烟三文鱼天使面又系另一佳作，天使面好爽口。而个忌廉汁味好浓，好正。而且个面整得好靓，有青椒、红椒作装饰，好有心机。烟三文鱼好新鲜，呢个唔使讲既。冻柚子蜜无乜特别，嫌多冰左小小。实有下次既，当做野同读书唔开心既时候。食番一餐好既点都系唔错既选择。