U@Cafe (已結業)

之前朋友推介依度嘅甜品都几好味，所以见今日放假经过，就决定入黎试吓。除咗甜品之外，原来餐厅都有一啲面包类嘅产品。首先我叫咗一个柠檬挞。除咗柠檬挞爱仲有脆脆条食，脆脆条都松软香口。不过我最钟意都系柠檬挞，挞皮我最爱嘅曲奇皮😋 ，松脆不易散开。柠檬吉士唔会太甜亦都唔会太酸，食落去感觉好清新。朋友就叫咗依个柚子肉松味火焰吐司。足足有三层咁多。火焰同事都跟咗脆脆条，但系就玉桂味。相信如果同职员讲，可以要求脆脆条想要咩味🤣每一层面包之间，都铺满咗好多肉松，好足料，超正🤤 吐司都焗到好香口。另外我哋都嗌左嘢饮，我就饮咗冻焦糖玛奇朵，而朋友就饮咗冻柚子蜜。我杯焦糖玛奇朵真系几好饮！咖啡味浓郁，奶味冇过重，甜度都啱啱好，唔会输蚀比出边一般咖啡舖。