小火焰韓式咖啡廳 (金山樓) (已結業)

难得大仔今日放假，我又放早就约佢系屋企附近食下午茶。下午茶2:30 就有，睇menu 款款都好吸引。大仔简左酱烧黑豚迷你芝士乌冬，乌冬好好味，一食就知靓乌冬，个酱甜甜地。跟餐仲有个牛角包，沙津同炸鸡，真系食完都饱晒。我就简左炸鸡拼盘，好似韩式All day breakfast 咁。炸鸡好juicy 一d都唔干。另外再加左小食，牛油鸡翼同忌廉薯饼。全部野黎到都热辣辣，即刻加晒分。但最欣赏系佢可加钱转特饮，我地简左巨峰乳酸特饮同蓝柑白桃梳打，呢2杯比较我就较钟意蓝柑白桃梳，因为感觉好fresh。最后，值得一赞系甜品，我地食完埋单时，职员主动提我地原来未叫甜品起又埋位再食过。3.6 牛奶乳冻，又香又滑。另外既芝士蛋糕好似雪糕咁，芝士味好浓。食咁多野先$190 ，晚餐都唔洗食。