影片
更多
2019-10-31
900 浏览
见工人姐姐凑呀仔凑得几好，同老公放心哂，一于偷偷地闪岀去食反个晚饭先老公拣左MGB by Manhattan Grill Bar话好耐无食下西餐，贪佢够方便，泊车喺APM行过隔离就系，食完饭仲可以行下一田先反去！餐厅都几大，店员安排我地坐卡位，够哂阔落，仲有outdoor既坐位，好细心！我地嗌左个set dinner，好抵㖞！一个慢煮猪鞍set dinner都只系288加一，又有小食拼盘又有餐汤，又有main course，有甜品有野饮，我地仲加左88蚊要4只美国泰勒太平洋石蚝，啲蚝好新鲜，够爽脆！啱哂老公！小食拼盘有鸡翼，Parma ham，风干牛肉，香草车厘茄，芝士，焗红椒同少少黑醋沙律，好丰富，好少可有set dinner会有小食拼盘，多数一个salad就算，好有诚意，又好食！我地另外加左18蚊升级做蟹肉龙虾汤好香浓，啖啖蟹肉，正！慢煮猪鞍扒配苹果无花果酱猪鞍够哂稔，苹果无花果酱可以中和口腔内既油腻，再食多啖肉，更加带岀猪鞍香浓既肉味，呢个配搭一流！另外加多杯可乐，嗌多个蒜香蜗牛同埋牛油果pizza已经够哂食蒜香蜗牛好滑好香，最好味系下面个薯蓉，吸收哂啲油份，好好食，好香呀！牛油
见工人姐姐凑呀仔凑得几好，同老公放心哂，一于偷偷地闪岀去食反个晚饭先
老公拣左MGB by Manhattan Grill Bar话好耐无食下西餐，贪佢够方便，泊车喺APM行过隔离就系，食完饭仲可以行下一田先反去！
餐厅都几大，店员安排我地坐卡位，够哂阔落，仲有outdoor既坐位，好细心！
我地嗌左个set dinner，好抵㖞！一个慢煮猪鞍set dinner都只系288加一，又有小食拼盘又有餐汤，又有main course，有甜品有野饮，我地仲加左88蚊要4只美国泰勒太平洋石蚝，啲蚝好新鲜，够爽脆！啱哂老公！
小食拼盘有鸡翼，Parma ham，风干牛肉，香草车厘茄，芝士，焗红椒同少少黑醋沙律，好丰富，好少可有set dinner会有小食拼盘，多数一个salad就算，好有诚意，又好食！
我地另外加左18蚊升级做蟹肉龙虾汤
好香浓，啖啖蟹肉，正！
慢煮猪鞍扒配苹果无花果酱
猪鞍够哂稔，苹果无花果酱可以中和口腔内既油腻，再食多啖肉，更加带岀猪鞍香浓既肉味，呢个配搭一流！
另外加多杯可乐，嗌多个蒜香蜗牛同埋牛油果pizza已经够哂食
蒜香蜗牛
好滑好香，最好味系下面个薯蓉，吸收哂啲油份，好好食，好香呀！
牛油果pizza
唔系就咁舖牛油果片喺个面度咁简单，仲有牛肉果蓉喺芝士个底度，啖啖都充满住牛油果既香味，好好食！
最爱甜品既老公见到个甜品menu直头双眼发光咁济
嗌左个特浓朱古力蛋糕
口感好结实好丰富，老公最爱呢种结实口感既食物！啱哂佢！酥皮热情果配野莓酱呢啲轻盈口感既就最啱我！
酥皮热情果配野莓酱
酸maymay既热情果配上蛋白脆脆，一酸一甜，清新又好味！下次泥一定要再嗌呢个！
张贴
