Lagom Kaffe (已結業)

黑松露忌廉蘑菇大虾意大利粉上菜果刻，望落份量略嫌有啲少 ，大虾得五只， 有少少失望。我用叉卷起一小掇意粉。黑松露味扑鼻而来， 食落意粉软硬适中，带有好浓沃嘅忌廉味 ，洋葱爽甜， 虾肉新鲜弹牙， 一咬虾肉就可以完整地成只离壳。 可能因为忌廉汁比较多嘅关系，食完之后竟然觉得啱啱好食饱。西柚冰茶本来要杯望落好靓嘅晴天pig pig, 可惜餐厅嘅棉花糖机坏咗， 整唔到呢杯嘢饮 。于是乎我就点咗杯西柚冰茶,西柚冰茶主要系用西柚汁同埋红茶配制而成，再加入少许橙嘅切粒同埋西柚嘅切片做点缀， 杯入面有三分之一都系冰块， 较为细杯。 不过胜在红茶同西柚汁都几夹， 饮落唔会话好苦涩。