甜蜜蜜新生咖啡店 (已結業)

今晚我们去咗爸爸最喜欢嘅邓丽君小姐喺尖沙咀嘅主题餐厅「甜蜜蜜新生咖啡店」食晚饭！一入到店内见到布满晒邓丽君小姐嘅照片，另外仲有个投影电视不断播放住邓丽君小姐嘅演唱会！我们不断喺店内影相留念，之后我们就叫咗咖哩素肉蛋包饭、黑椒牛肉三文治、芝士素火腿飞碟、杞子菊花有机蜜糖、有机无糖豆浆同洛神花！咖哩素肉蛋包饭嘅咖哩汁好浓郁，素肉嘅肉质都几爽滑弹牙，而且份量都几多！黑椒牛肉三文治嘅黑椒香味令到牛肉嘅肉味更加浓郁，蕃茄同生菜青瓜亦好新鲜，夹埋一齐嚟食嘅味道好清新！芝士素火腿飞碟嘅表面烘得都几香脆，半溶嘅芝士夹埋素火腿一齐嚟食都几惹味！杞子菊花有机蜜糖嘅味道好清甜芳香！