老北京 (已結業)

系香港北京家常菜中做的最地道嘅就系老北京。知道尖沙咀开了间分店，就约几个朋友过黎捧下场。北京烤鸭系镇店之宝，鸭皮颜色漂亮，闻起来阵阵鸭香，唔肥唔腻，食落D皮好crispy，肉又够晒烟韧。京烧羊肉，都系佢地招牌菜，肉香四溢，嗜羊者一定要试下，记住点埋特制酸酱食，更加开胃。黑醋黄鱼系第一次叫，远远就闻到醋香，酥脆的鱼皮淋上黑醋汁，酸酸甜甜，好搭配。甜品order左拔丝草莓，真系几惊喜，糖丝拔成鸟巢状，上面点点芝麻，唔单止视觉上吸引，酸甜新鲜嘅士多啤梨加上糖丝，果味同糖味回荡于口中久久都未散去，推介！