四姐川菜

营业中

休息中

老友最近爱上食川菜，周围试唔同餐厅，今次佢订左去呢间四姐，食过觉得唔错。我地五人个人一共3款凉菜、5款热菜。招牌四川凉面以为应该唔会好辣，不过食落耐左都辣辣地，但辣得黎好过瘾，面又弹牙，落左好多香葱，入口唔会干争争得黎又好香。蒜泥白肉好香蒜味啊，川菜一定要点呢个啦，白肉一片片唔会好肥，睇落好红好油，但又唔算好辣，辣油好惹味，夹埋一齐食好好味。蒜茸肚丝，猪肚烟烟韧韧都好干净，阵阵麻油同香葱味，反而呢一道冇咁浓味又唔辣。我地点了两道煮鱼，一道酸菜鱼，另一道是招牌重庆水煮鱼，酸菜味道好浓，酸菜爽，辣味慢慢渗出来，而重庆水煮鱼又麻又辣，成个面都布满左辣椒、花椒等，非常浓味，但又好惹味，鱼肉又够哂滑。香辣鱿鱼虾就脆卜卜，虾同鱿鱼炸到香又唔会硬，而且好重味道，索哂入去，有少少麻麻地既辣，差D想连埋虾既壳食埋。川式宫保鸡丁，一粒粒细肉仲有一堆花生，又系好多花椒同辣椒，食到个口麻哂。糖醋里脊酸酸地好好食，细细一条冇令人讨厌既肥肉，好味。