101肉燥飯專門店 (河傍街) (已結業)

101 肉燥饭专门店最大嘅卖点并不在于食物质素，而系又平又快，如果又肚饿又赶时间又唔想等位嘅话，呢度会系唔错嘅选择。呢度有个饱到上心口嘅一人 set，包主餐，小食同大大杯饮品。我拣嘅系三杯鸡肉燥饭，𩠌嘅份量劲多，加埋半只卤蛋，椰菜同红萝卜等配料，仲有重量级饭底，真系睇见都饱咗大半😂。味道方面，其实系正常嘅，不过稍嫌冇咩酱汁，成个饭比较干噌噌。小食我拣咗鸡翼同章鱼饼，又系味道正常但炸得比较干噌噌，食落口，感觉有啲硬。食完呢餐，真系成日都唔使再食嘢😆。