Cambo ขุนทอง (The ONE)

营业中

休息中

好耐没食泰国菜了，好怀念那种独特的味道，一于今晚就去食泰菜啦！为了方便就脚，就选了呢间系The One但又未食过的Cambo开餐啦！可能时间仲有啲早，所以暂时唔系咁多人，好快就有位了！今次点了泰式青咖哩软壳蟹锅配法包，细的泰式拼盆及泰式炒椰菜苗，坐左一阵超快就上菜了。先上细的泰式拼盆，份量两个人食刚刚好，有口感香脆的凤尾虾春卷，香口美味又弹牙的泰式炸虾饼，香辣惹味的泰式炸鱼饼及够晒入味的香叶包鸡，可以一次过食咁多款小食都不错！而这个是泰式炒椰菜苗，闻落香香辣辣，食落十分惹味，椰菜苗好爽口够晒入味，好泰式风味！最后系泰式青咖哩软壳蟹锅配法包，青咖哩、软壳蟹同法包系分开上，要食软壳蟹同法包的时候先淋咖哩汁。青咖哩味道好浓含椰香味，食落味道辣辣地，好惹味，如果捞饭食感觉会好正，而且咖哩里面还放了很多蔬菜一齐煮。个青咖哩仲会用小炉热住，好贴心，唔怕啲咖哩冻晒没咁好食！而主角软壳蟹就炸得好松脆可口，点埋咖哩汁食好夹。不得不提呢个法包，外香脆内软熟，索埋啲咖哩汁一齐食，好好食，真系估佢唔到！最后饮品叫了咸柠七喜同菠萝七喜。咸柠七喜味道咸咸地带酸甜味，而菠萝七喜就酸酸甜甜，两个都咁开胃！