新光粥店 (已結業)

是日有點事要落佐敦，但因為之前太多野攪，就連午飯都錯過，結果係餓住個肚。行到門口，實在忍唔住，加上此類粥店，一向都係好快有得食，而自已又係食得快之人，未坐低已經叫左碗艇仔粥，另外再加一碟牛肉腸粉，粥是廣式開花米粥，當然用豬皮頂魚肚，不過都好爽脆。牛肉腸粉好厚皮，牛肉是用免治牛肉料，醃味重，甜豉油調教得不錯，但水準都係麻麻！如果想好少少都唔會黎。