漁屋日本料理 (海寶花園) (已結業)

每个星期日，为左比呀妈抖下唔洗煮饭，我地成家都会落家食饭。呢间放题距离屋企都唔算好让，上次见到已经有D想试，加上今日就正好系个机会啦！正当我同屋企人提议食呢间个阵，我呀妈话原来都听过邻居食呢间，都话唔错！你知啦，D爸爸妈妈一听到人地介绍，就心痒痒想去试下，咁下次同人地倾计又可以有话题。我地不嬲对食野都冇咩要求既，所以个日阿妈就Book左位去试下！ 虽然店舖唔算好大，枱同枱之间既距离叫做正正常常啦！ 一黎我地就系咁睇点餐纸，发觉都几多野食㖞，仲有几多唔同既种类拣，啱晒我地各人有不同口味添！ 个日去食其实上菜好快。预左放题入面D店员都唔方好得去边，呀～但佢地真系好好礼貌，个人都食得开心D！ 味淋鱼干：好多人都唔知佢系咩，其实系鸡泡鱼干。剪开一条条，所以食起上黎都好方便，而鸡泡鱼干腌过再烘干，味道相当惹味。   火焰三文鱼酱油烧：灸烧我不嬲都好钟意的，而呢个三文鱼烧得都唔错！好食架！   牛油焗野菌：真心冇得输！一食就谂返起去BBQ食既金菇野菌啦，不过比起自己烧，呢度既就梗系唔会烧焦啦，牛油味仲要好香添！  水信玄饼：最后食甜品冇谂到会有水信玄饼，我爸最钟意试新野，贪佢几得意就点个黎食