探魚烤魚

营业中

休息中

听唔少朋友北上食探鱼都大赞抵食兼味道好，依家香港近近地已经有，回乡证过期嘅我终于可以食到。鲜青椒爽麻味烤鱼落完冇耐已经上菜，可能啱啱开门，未有太多人。店员会问有冇酒精敏感，原来佢会加酒精之后点火，令到食鱼都好有仪式感😂烤鱼铺满青椒，仲有唔少豆花，豆花吸收酱汁的精华同青椒嘅麻味，味道够又滑口，成个菜对食开清淡嘅嚟讲，有少少咸，但整体唔错，鱼够嫩骨又少，麻味十分过瘾😋，后劲会有少少辣。香烤花菜切到细件好易入口，食落有香味唔干身爆酱鸳鸯糍粑太早叫，搞到食鱼前已经食咗，趁热食好脆口，黑色嘅中间酱汁流心，金色可以玩下拉丝冰粉只要加六蚊就可以达到冰粉自由，我食咗三碗。配料同调味选择够，加椰奶味道会浓郁啲，个燕麦爆珠好过瘾。