樂天客棧 (已結業)

去过乐天皇朝两次，原来奥海城有家乐天客栈，似乎平日很旺，门口设置等位轮号灯箱。又话今晚会打风，今天整天天晴，但果然人人早返家，我可以唔驶等有得食。每日靓汤 $42，竟然系乐天皇朝的炖鸡汤，浓到似鸡汁，清到似无落盐，但已经好好味，不过，面头有层油！家乡卤元蹄 $138，炆得腍，始终只系块皮最好味，但食一件已经滞，肉嚡了，汁美味，送面饭都啱。四大天王 $68手工虾枣 $68，做得非常好，鲮鱼猪肉混合的饀，滑得嚟好咬，大大件有口感，炸得酥脆，配甜酸汁夹。仲点咗砂煲天麻黄酒鸡－小 $96，够酒味，鸡滑，有不少姜丝，当汤饮都得。杨枝甘露 $32，价钱唔贵，够浓料足清甜。煮得有水准，价钱合理，可以再嚟试埋其他。