南大門

营业中

休息中

妈妈一直想去鲤鱼门食海鲜。但听闻𠮶边买海鲜会被㓥一颈血，所以就喺观塘街市买料入去。拣南大门，因为贪佢有落地玻璃，可边食边睇日落。入到去，服务员英姐就好亲切咁自我介绍，话今晚有乜需要都可以揾佢，仲话食完嘢会请我地食甜品，真系好识做。我地一共食咗五款海鲜。上汤龙虾加米粉底好好味，特别个米粉底，入味又脆口，同龙虾好夹。清蒸老虎班都好好味，美中不足系有少少唔离骨，可能条鱼身太厚啩。但总括唻讲都系好好味嘅。仲有濑尿虾、蛏子、上汤浸蚬，都系水准以上嘅，都好满意。全晚啲服务都好好，英姐同其他姐姐不停帮我地换碟，又好笑容，好耐无试过喺香港咁好服务。埋单计埋啲海鲜嘅价钱，每人$550，比预计平咗少少，有机会会再去。