Oolaa (必列者士街) (已搬遷) 新店位置

上星期五，我好友请我去呢间餐厅吃生日饭。餐厅嘅装修都几豪华。我哋嘅set lunch系半半自助餐，自己可以选择自己喜欢的嘅主菜。半自助餐啲嘢食都唔错，睇吓𠮶啲虾几大只。d沙律菜ok新鲜,又有唔同种类嘅沙律。有不同种类嘅冻肉啦。有热食啦，有饱啦。都真系几多嘢食架。我朋友同我就拣咗三文鱼同汉堡包。三文鱼煎几好味架,外面脆脆地，里面都几滑。最重要系𠮶个黄色𠮶个汁好好味。底下仲有啲芦笋添。我朋友就食𠮶个汉堡。都唔错有牛肉味，同埋香喷喷。最意想不到嘅系佢哋𠮶个cappuccino真系好好饮。如果大家去就记住叫一杯啦。