樂景快餐店 (已結業)

系湾仔打等，无可能唔识乐景，屹立湾仔N咁多年，基本上又系食堂之一，虽然价格上每年都有变，但变极都仲系平尽全场，吹佢唔胀!难得系味道KEEP住唔变，好味又大件抵食，正正常常既食物，唔系果款鬼五马六玩花臣，食得好安心。除左出名既汉堡及炸鸡脾外，仲有各式各样既粉面饭，众多选择，吸引唔少街坊、我地呢班打工仔及学生帮衬！ 环境：貌似外卖店，其实可以堂食﹐不过唔多位。食物：炸鸡脾＋薯条＋热狗＋热咖啡套餐，＄35，好抵食！即叫即整，炸鸡脾大件热辣辣，皮脆肉滑！正呀！热狗size 正常，看似普通热狗，实际个包有烘底，热热地脆脆的好味，粗薯条够热好食，咖啡浓郁，最正常普通的材料做出至好味既食物先系皇者。