快樂蜂 (利基大廈) (已結業)

星期五夜收工，返到屋企附近已经9点，自己一个人轻松食。去咗屋企附近嘅快乐蜂。好多朋友都好惊讶开咗咁耐我都系第一次食，皆因平时见到广告啲鸡炸得好深色，感觉应该都好干好柴，同东南亚口味，俾我嘅感觉都系香料多重口味，所以冇乜兴趣。但系朋友话其实佢哋啲鸡先系好食，咁就试一次。点咗一个晚餐，有茄汁肉酱意粉，同埋一件炸鸡，加多个可乐。先讲件炸鸡，果然系唔错，外壳香脆，香料惹味但唔太喊，咬落入边肉汁日流出嚟，肉嫩唔柴口。意粉中规中矩，意粉质地唔系一般常见，蕃茄肉酱唔太咸，份量啱啱好，够一般女士份量。