影片
更多
2022-10-07
1924 浏览
突然想食奄仔蟹, 就打去问吓有冇. 酒楼话有, 咁就放工过去. 之前去鲤鱼门食有试过𠰴好既经验, 亦是过好既经验. 良莠不齐. 大家自己揾多啲资料.喺 openrice 见到有人话快乐+享记, 快乐之前食过两次, 是唔错的, 但享记就未试过, 咁就试一试啦. 去到行晒成条街都唔见享记, 仲以为执咗, 正谂住走, 返转头先见到佢个门牌, 原来间舖喺条巷到入去.见网上有人话有个每位 $360 既餐, 可以选6样海鲜, 好似几抵咁. 但系我地想食奄仔蟹, 个 set 唔包, 老板话如果系咁, 散叫可能仲抵. 跟住搅嚟搅去, 最终都系散叫, 阻住老板咁耐都觉得有啲唔好意思....第一碟系豉椒炒蛏子 (两只). 好新鲜, 炒既时间啱啱好. 第二碟系椒盐濑尿虾 (一只), 又系冇得输, 第三碟系黄金虾, 呢个虾我地原本冇叫, 系享记老板话送俾我地食. 第四碟就系上汤本地龙虾, 享记有两款龙虾, 一款澳洲, 一款本地, 老板话本地就香啲但就贵少少, 既然未试过, 咁远嚟到就试吓, 唔好食就当俾人呃一次, 冇下次, 不过出嚟证明咗海鲜老板都几老实, 冇呃我地. 第五样就系菜心, 煮工包埋的. 味道正常
喺 openrice 见到有人话快乐+享记, 快乐之前食过两次, 是唔错的, 但享记就未试过, 咁就试一试啦. 去到行晒成条街都唔见享记, 仲以为执咗, 正谂住走, 返转头先见到佢个门牌, 原来间舖喺条巷到入去.
见网上有人话有个每位 $360 既餐, 可以选6样海鲜, 好似几抵咁. 但系我地想食奄仔蟹, 个 set 唔包, 老板话如果系咁, 散叫可能仲抵. 跟住搅嚟搅去, 最终都系散叫, 阻住老板咁耐都觉得有啲唔好意思....
豉椒炒蛏子
40 浏览
2 赞好
0 留言
第一碟系豉椒炒蛏子 (两只). 好新鲜, 炒既时间啱啱好.
第二碟系椒盐濑尿虾 (一只), 又系冇得输, 
第三碟系黄金虾, 呢个虾我地原本冇叫, 系享记老板话送俾我地食. 
第四碟就系上汤本地龙虾, 享记有两款龙虾, 一款澳洲, 一款本地, 老板话本地就香啲但就贵少少, 既然未试过, 咁远嚟到就试吓, 唔好食就当俾人呃一次, 冇下次, 不过出嚟证明咗海鲜老板都几老实, 冇呃我地.
第五样就系菜心, 煮工包埋的. 味道正常.
压轴出埸就系我地想食既奄仔蟹, 我地叫咗只大既(13两), 买海鲜𠮶阵老板话冇膏包换. 嚟到我地打开只蟹, 只可以用两个字嚟形容- 满膏. 真系超好味.
最后酒楼送上甜品加水果作结.
总结成餐既体验好好, 快乐酒家 + 享记海鲜呢个组合真系冇得输. 挂住食唔记得拎𠮶个 $360 一个人既 set, 想食既自己 Google 应该揾到.
张贴
