一風堂 (德福廣場) (已結業)

今日去开九龙湾整车换油，师傅同我讲无咁快，叫我去食个饭打个转先返，咁就行去德福食饭啦。一去到，哇，到到都排长龙… 最后见到一风堂刚刚好仲有最后2个位，即刻闪入去。对拉面情有独钟既我地… 其实一直都未食过香港一风堂。身边朋友成日讲到有几好几好食… 今日就试左。呢个豚肉炸蛋… 无错，我地系比佢个名吸引左而叫的。几好食﹑几得意。其实佢系用炸猪扒皮包住溏心蛋做的。外面香口，里面滑漏。盐味拉面… 认真既，面质合格﹑猪扒有少少鞋﹑汤底味道唔均匀，有D 位咸有D 位淡。酱油拉面… 呢个就好少少。不过汤低感觉味就都系单薄左少少。明太子鸡翼… 呢个都系几好食  食完感觉… 小食好似水准好过拉面本身。作为一个 lunch，计埋加一后成＄110一位，其实有好多比佢好既选择。