影片
更多
2017-06-08
12327 浏览
Panda Cafe嚟过一次，但已经喺5年前嘅事，跟上次一样嘅都喺老婆教会搞活动，包晒成场，唔同嘅喺上次食夜晚，今次就嚟食晏昼自助餐。因为又喺有嘢帮手，所以，比人迟食，但又比人早要食完，不过，又唔喺要搏命回本，个半钟时间都OK嘅。我哋团体包场，当然有优惠价，但实际几多就唔知。不过，都影低佢哋门口个水牌，有晒自助餐嘅详情，俾大家当喺参考。个场环境喺点，一张相讲晒，一就喺环境够晒大，地方阔落；二就喺楼底高，空间感十足。总体俾人个感觉唔错，服务亦算妥贴，收碗收碟颇快手。跟住就讲吓有咩食，当然，唔及上次食晚餐多选择啦，至少无咁多贵嘢。刺身、寿司、冷面晚市有多几款和式小食，而午市就只有3款刺身（吞拿鱼、三文鱼、鲷鱼）及几款寿司、寿司卷，都见佢哋有轮流转吓款；此外，仲有啲冷面供应吓。老实讲，试就无试架喇，但睇外观啲质素都唔差，同枱教友都话有质素。自选沙律吧沙律吧有多款沙律菜做胆，配搭上10款配料及7款酱汁，已经可以做出好多配搭。冷盘当期时实在太多人，都唔方便影相，随意影咗张打底，记得晌众多冷盘嘢，巴马火腿、烤意大利黄青瓜、烟火腿粒就最得我心。冻海鲜午市自助餐嘅冻海鲜当然一早无咩期望，但都介绍吓有咩
我哋团体包场，当然有优惠价，但实际几多就唔知。不过，都影低佢哋门口个水牌，有晒自助餐嘅详情，俾大家当喺参考。
个场环境喺点，一张相讲晒，一就喺环境够晒大，地方阔落；二就喺楼底高，空间感十足。总体俾人个感觉唔错，服务亦算妥贴，收碗收碟颇快手。跟住就讲吓有咩食，当然，唔及上次食晚餐多选择啦，至少无咁多贵嘢。
刺身、寿司、冷面晚市有多几款和式小食，而午市就只有3款刺身（吞拿鱼、三文鱼、鲷鱼）及几款寿司、寿司卷，都见佢哋有轮流转吓款；此外，仲有啲冷面供应吓。老实讲，试就无试架喇，但睇外观啲质素都唔差，同枱教友都话有质素。
自选沙律吧沙律吧有多款沙律菜做胆，配搭上10款配料及7款酱汁，已经可以做出好多配搭。
冷盘当期时实在太多人，都唔方便影相，随意影咗张打底，记得晌众多冷盘嘢，巴马火腿、烤意大利黄青瓜、烟火腿粒就最得我心。
冻海鲜午市自助餐嘅冻海鲜当然一早无咩期望，但都介绍吓有咩，分别喺大螺、冻虾及青口，阵容就肯定唔太吸引，但配搭埋啲沙律、冷盘一齐食，其实都唔错。
头盘小弟嘅头盘就由沙律、冷盘、冻海鲜，再加少少鲜果组成，够晒清新健康。基本上啲食材质素唔失礼，沙律菜冰凉爽脆，巴马火腿油润咸香，冻虾爽甜，伴以法式香草酱，简单味美。
热盘、餐汤、面包依几类食物就放晒晌餐厅中央嘅大长枱，菜式乜都有，有中式小炒、西式料理、印度咖喱、亚洲风味、和风精选、鸡牛猪鱼……等等大概13、4款，汤品就有中西汤各一款，不过，都喺大路嘢，唔似夜晚咁有炖汤饮；两款面包睇相就知亦喺普通款式，所以，整体嚟讲，款式确喺唔少，属大包围式，但就唔会有咩意外惊喜。
开放式厨房另一边厢晌餐厅尾，有即煮粉面、泰式粥品、天妇罗、烤肉……等等自助餐常有嘅项目。
主菜小弟嘅第二碟食物喺以肉类为主，拎咗烤西冷、烧猪柳、叉烧、烤鸡、咖喱牛腩，再配少少蔬菜搭个芝麻餐包用嚟沾咖喱汁，唔好嘥。对住成碟肉就梗喺食得开心啦，啲西冷同烤鸡烧得唔错。
饮品未讲甜点，先讲吓饮品方面，当然喺自助，但选择普通，一边有百事同七喜，另一边就喺咖啡机，印象都好似唔觉有茶包或红茶供应。
甜品大部份甜品放晒喺中央位置嘅甜品枱上，亦有少部份放晌餐厅尾左边嘅小枱，又不时会转款，夹夹埋埋十多款，都唔忧无选择。
甜点拼盘
小弟惯顺次序嚟食嘢，所以，第三碟食物就喺我嘅甜点拼盘，出到去甜品枱有咩就食咩。详细就唔多讲，因为唔喺好有特色嘅款式，都喺来来去去嘅大路嘢，慕丝蛋糕、芝士饼、奶冻、布甸之类，不过，质素都几平均，算得上几好食，虽然拎咗一大碟，但清晒半啖都无剩。
Movenpick雪糕较为惊喜，喺午市竟供应Movenpick雪糕，一大柜雪糕，无刻意考究有几多款口味，一切随遇而安，有咩味咪食咩味。见同枱对面几个细路喺咁食，无5杯，都有4杯，佢哋仲喺收儿童价，翻晒本啦，小弟都唔弱，前后食咗3杯，哈哈！
前后试咗士多啤梨、意式奶冻及瑞士朱古力，呢个品牌唔使多介绍，雪糕底本身喺软滑而富奶香，喺质素嘅保证。虽然3款口味都好食，但意式奶冻就最得我欢心，因为加入咗红桑莓果蓉，令奶味更突出之余，酸香细致。
虽然有「工作」晌身关系，但用餐时间都算啱啱好，变相嘅「三道菜」午餐，食得饱之余，感觉都好满足。
张贴
