馬祖 (將軍澳廣場) (已結業)

呢排够晒冻，终于似返个冬天，冬天梗系要打边炉啦。黎开将军澳广场做嘢，见到马祖做紧全日120分钟放题打边炉，唔使系咁放啲嘢入口赶头赶命👏！马祖系全港首创台湾药膳养生火锅放题🍲净系药膳汤底都要用晒10只手指。而且佢哋仲系一人一锅，而家疫情咁犀利，咁做卫生好多！马祖有六款平贵任君选择套餐，猪牛无限追加，唔使食丸填肚👏。我哋两个人最后就拣咗「美国Prime Grode牛肩胛肉放题套餐」[💰成人 $228 / 小童 $173, 星期五.六.日.公众假期 每人+$10]。汤底方面就拣咗 「药膳椰子清鸡汤」同 「爆浆熔岩芫茜汤」😅(sor… 我朋友系芫荽爱好者)。睇相都可以见到牛肩胛肉质素好高，肥瘦刚刚好，食落嫩口，净系食呢啲牛肩胛肉眼已经回本。西班牙无激素猪肉片都几新鲜，唔会雪到硬梆梆，唔错。除咗猪牛，深海鱼柳同鸡腿肉都非常值得一试，好滑。除此之外，仲有超过30款配料，两柜嘢饮俾你拣，性价比一流嘅套餐！最惊喜嘅系雪糕系Movenpick 🍦任食🍦任食🍦任食🍦虽然天气冻咗，但打完边炉冇咗雪糕就冇咗仪式感，记住留肚食返几杯🤣！餐厅都几大，而且座位都算几阔落，枱同枱之间仲有keep住透明胶版，唔错唔错。