I Café

营业中

休息中

今日出尖东有工作要处理，中间有少少空档，同同事可以食一个快饭，就入咗半岛中心嘅I Cafe餐厅。餐厅有啲似茶餐厅格局，不过系商场入面，坐窗口位望落街都几写意。挨到下午两点，我哋本身无食早餐，所以已经非常肚饿，于是一人嗌咗一个午餐。等咗唔使8分钟就齐晒所有食物，速度够快！🎈芝士焗鸡扒饭配冻奶茶同事点嘅呢个餐可以跟一个餐汤，佢就拣咗罗宋汤，汤入面有唔少菜做配料都唔错👍🏻焗饭份量好大碟，啱晒个肚打晒鼓嘅我哋，芝士有少少拉丝效果，鸡扒有两大块非常满足😋冻奶茶就够晒冰，解渴一流。🎈黄袍原条鳗鱼饭配冻利宾纳我嗌嘅鳗鱼饭就喜出望外😮💫原条上嘅鳗鱼又大又肥美，配合饭面嘅半熟炒蛋🍳非常湿润好味，再加上甜酱油做点缀更加系锦上添花😁好耐无饮过利宾纳，难得今日瘾起，一饮就觉得好爽！两位埋单承惠136元，我觉得都算几扺食，同场都有唔少后生仔女帮衬，同埋唔使等位直入餐厅真系好方便😜！