武士拉麵 (已結業)

睇戏首选永远都系九展，戏院新又唔易爆场。但揾嘢食从来都系一个问题。不过近排九展都开咗唔少新餐厅，今日睇戏前我哋就快闪食咗个拉面。时间无多，去拉面店唔需要花太多时间选择。而呢间仲同戏院合作，睇戏食饭有优惠。我哋极快速就选好自己钟意的食物，老公叫咗个牛乳拉面。试咗一啖汤，牛乳味真系好浓，而且粟米好甜好夹。我就点左一个地狱拉面，满满的红油令人睇见都觉得刺激。拉面面条软硬适中，汤底的浓度亦刚好，有少少沾面的效果。呢个地狱汤底都几香浓，但真系几辣架！至于配料，糖心蛋做到半熟，值得一赞。另外好欣赏佢的叉烧，比较厚身有咬口，而且仲轻轻烧香过。小食方面，我哋拣咗炸虾同埋鸡翼，两款小食唔系主打，但都有一定水准。