錦麗 (德福廣場1期)

营业中

休息中

锦丽好耐冇食过越南粉，行开德福，咁就去锦丽食个午餐。疫情下，商场真系少咗好多人，平时呢个时间应该有排排队，但今日去到即刻有位，仲要唔爆场。咁我地同朋友点咗以下几款锦丽生熟牛肉河/金边粉锦丽综合汤河越南小食拼盘几只粉都系用同一只汤底，汤底有牛味，不过汤头都有味精，食完有少少口干。 配料有葱，洋葱同埋芽菜。洋葱系比较生果种，带少少辛辣感，但芽菜太少，食完成碗粉都唔觉有食过咁。。。河粉同金边粉份量适中，不过男仔就未必够食，女仔就应该啱啱好。生牛肉上枱仲有少少粉红色，食落不过不失，唔会太鞋，但就唔期望佢会滑。另一种牛系牛腩黎，呢个就真系又韧又鞋口，唔会咬得香，直接放入口到咬就算。牛丸有少少筋系入面，反而最好食。河粉金边粉都算滑，粗幼都适中，几好食。最后越南小食拼盘，有蔗虾，猪扒，炸春卷，炸鸡槌。40蚊有咁多野算几抵食，春卷几香脆，入面有虾有粉丝，炸得几香口。 其他野就不过不失，见完粉唔够饱都可以叫返个。