聯記麵家

营业中

休息中

当我谂唔到食咩，又想食粉面的话，会来呢间联记，虽然铺位喺大巴站附近，都有好多游客帮衬，但我都冇咩所谓，食个面唔会花太多时间。呢度主要都系港式面食，我多数食云吞面，门口有店员即日包，几新鲜。而且店内环境都好企理。云吞面、菜心，连饮品冇记错系50蚊，可接受，当然始创对面果啲会再平啲，但一来远，二来好多时都full，lunch time得好少时间，冇咩空间去等位。云吞面放面头，云吞喺底，面质几爽身，冇枧水味架，汤底又唔会太咸，我钟意加少少辣椒油，更加香。云吞好似有四粒，我都冇咩留意，够大粒，而且有明显虾肉，唔会霉，去货快，起码都会新鲜啲啦。虾肉爽，猪肉又唔会太肥，皮薄馅靓收货