老北京

营业中

休息中

湾仔区食京菜黎讲绝对系快靓正，小菜系人头计，白饭、南瓜小米粥、多款凉菜、生果、蕃薯及粟米都是任添，连茶芥&加一都免了，点了以下小菜：1. 糖醋鱼片：好似咕噜肉咁一块块鱼片，入口脆脆地，鱼肉又滑嫩，酸汁拌饭一流。2. 麻婆豆腐：辣辣地唔算太辣，炒得几好，豆腐一粒粒冇散开。3. 京葱炒羊肉：有镬气炒得几好食，羊肉份量都几多，睇落似肥牛，炒过嘅京葱特别好食。4. 京式回锅肉：一样有镬气，今次椰菜的份量比肉多，极为惹味。5. 云吞鸡：对比以上较清淡，云吞有五只，鸡份量唔多，都系切头切尾，还有几棵小棠菜，以一人份黎讲唔错。今次例汤系够味，冇上次咁淡味，凉菜都几好食又多几款选择，以午餐黎讲连茶芥加一算唔错，上餐速度快又热辣辣，多人去建议book 位。