寿司造 (莊士敦道) (已結業)

今日去开湾仔，先知道开咗间新嘅外卖寿司舖头～因为系放工时间，而且又近大马路，都好多人买返去食。「寿司造」由拥有20几年经验嘅寿司师傅主理，佢地嘅刺身由多个日本渔市场运到港，师傅再按时令挑选食材发办制作刺身盛、寿司盛。佢嘅食物选择都几多，有丼饭，饭团，各类型嘅刺身，寿司拼盘，仲有个雪柜可以买急冻嘅食品～见到湾仔有一限定食品：三款鲜鱼熟成寿司（蓝鳍吞拿鱼、岛池鱼、𫚕鱼）仲有三款新创作卷物：日本松叶蟹肉蟹膏卷、昆布北海卷及柚子渔师三味卷，睇落都几好食，就买左昆布北海卷～ 然系仲买咗一盒鳗鱼饭同埋特选寿司。特选寿司好丰富，又有吞拿鱼，牡丹虾，海胆，松业蟹，同埋带子等等，件件都好新鲜，而且份量都好多。昆布北海卷，主要材料系：吞拿鱼茸同埋甜虾带子，饭卷出面有啲昆布，昆布嘅味都几浓，有少少抢左其他食物嘅味道，但钟意昆布嘅会觉得好正。鳗鱼饭都好丰富，有两大旧鳗鱼，仲有啲配菜，鳗鱼都几肥美，虽然有少少细骨，但系整体以呢个价钱来讲都几好味～大家经过都可以买返屋企试吓！