栢檔極品海南雞飯

营业中

休息中

听个餐厅名都知佢地主打无骨海南鸡饭，除咗海南鸡，佢地仲有肉骨茶、卤水元蹄饭、香煎手剁鱼香肉饼饭、秘方卤烧猪颈肉饭。今次我就梗系试最招牌嘅栢档极品海南鸡饭，另外再叫咗半只卤水元蹄。海南鸡同元蹄都系即叫即斩，全部无骨😛海南鸡饭可加钱转鸡髀，个饭份量超大，而且系鸡油饭，食落仲有淡淡嘅椰汁香同蒜香味，非常惹味。鸡肉肉质好嫩滑，再配埋甜豉油同海南鸡酱汁😋卤水元蹄好入味，而且元蹄好软腍，个皮超滑，卤水汁用嚟送饭一流👍🏽 平时谂唔到食咩，可以去栢档极品海南鸡饭买返个外卖，油塘、九龙湾同荃湾都有分店，平靓正！