尚海人家 (宏基商業大廈)

营业中

休息中

我同女朋友星期日都晏起身，之后佢就一直留系屋企煲剧，到夜晚就点我出去买嘢食返去。我唯有只好就范，我见到有间新开嘅外卖店卖上海野，问佢啱唔啱食，好彩佢又ok㖞。小店定价都几平，食物选择都多，所以等野食期间都不断见有人嚟买外卖同有步兵嚟拎食物。店外望到厨房，杂物多啲，但都算干净。鲜鸡汤小云吞$32小云吞意外地高质，我地一向都好钟意食，但多数系食四川辣果种，估唔到清汤都掂。汤底够清，唔味精，仲加咗蛋丝，而云吞仔嘅皮就好滑溜。皇牌生煎包$18生煎包亦无负皇牌之名，食落有爆汁嘅肉馅，肉味鲜甜，而包本身都好食，够软又唔湿。桂花蜜糖鸡翼$18厨房炸嘢都谂唔起系关我事，但原来系炸鸡翼。鸡翼3只大大只，炸得香脆肉嫩，并淋上蜜糖。鸡丝粉皮$30呢款就一般，味道唔多够，偏淡，而且份量相对较少。不过粉皮本身都滑。生磨蛋白杏仁茶$22虽然造型普普通通，但味都还好，杏仁香边食边渗透，整体甜度亦适中，平平地可试下。其实餐厅有卖套餐，但我哋唔啱食，如果唔系应该仲可以平多几蚊。佢算系平靓正嘅外卖选择啊。