六合小廚 (已結業)

过完大海好肚饿，经过呢间餐厅几就脚，就谂住叫番几味小菜。✨除左小菜，仲有烧味，车仔面，米线，港式小食都几多元化。仲有免费wifi 提供，上菜速度都好快。✨柑柠百香果（$22):本身都好钟意百香果，加埋酸酸甜甜既柑柠味道好好饮，又唔会太甜。✨例汤（$20): 青红萝白汤，好够味仲大大碗。白饭就$15, 都系超大。✨鲜带子炒西兰花（$128): 呢个带子真系十分鲜味，大大粒好够弹牙，数数都有8粒。西兰花炒得爽口翠绿，份量都唔少。✨豆腐火腩煲（$98): 男人的浪漫～～豆腐火腩饭，呢个味道比较浓，捞汁送饭啱晒。豆腐，东菇大大旧好入味，火腩如果肥番d 就更加好喇。✨秘制蜜椒土豆牛腩粒： 呢个好好笑，系隔离枱热情阿姨请我食。事缘道𩠌一出黎真系超香，8挂下系乜黎之后请我食左旧🤣🤣🤣但真系超好食！。✨薯仔甜甜地几重蜜味，上面有好多黑椒好香口。牛腩外皮脆脆地，但里面既肉质唔会韧，牛味都好香浓👍🏻必食。