六合小廚 (已結業)

今日约咗朋友喺广东道附近交收呢排嘅必须品～口罩，交收完佢推介咗呢间秘窦畀我，佢话呢间餐厅啲嘢又好食又唔贵，仲话系喺附近做嘢D人先识来呢度，见佢咁落力推介，点都要试吓啰。两个人嗌咗个六合私房菜2人餐，有3个𩠌，2碗白饭，2碗例汤。今日的例汤系猪骨南瓜汤，好足料又够浓郁，饮咗都饱咗一大半；而小菜之一系『招牌川辣口水鸡』，另一味就系『鱼香茄子煲』再加一碟『蚝油菜心』，鸡嘅辣度适中，而茄子煲热辣辣，茄子多又够腍肉碎亦唔少，看似简单的一味𩠌非常啱我口味，送饭一流，菜心新鲜又唔多油，好健康，朋友真系冇介绍错吖。