EAT.it Italy Eatery (已結業)

Happy Friday,約左同事出食lunch, 入到餐廳，有職員給我地每人一張card,係for 點餐用，甜品種類好多，樣樣都好靚好想食，但我地得3個人，所以只係點左3個甜品。提拉米蘇好rich好好味，不過甜左小小。焦糖布丁有香濃既旦味，但布丁質地唔夠滑。藍莓奶凍好滑，好香奶味，配上酸既藍莓，唔會覺得好制，而且奶凍既底部全部都係雲尼拿子。薄餅叫左2款，1款普通蕃茄薄餅，另1款係雞肉薯仔薄餅，味道唔會太濃，好香，好鬆脆。炸雞薯條都唔錯，炸雞唔會好厚炸粉，入口鬆化，而且好似豪大大雞扒咁大件。意大利面我係跟openrice 其他食評既人咁叫法，芝士肉碎意大利面，即叫即做，味道濃郁，$138貴左小小都值既。