快靚正燒味粉麵茶餐廳 (已結業)

今日屋企有客人，收到order斩料，放工就去左附近揾地方斩料，叫左烧腩仔，两只乳鸽，半边烧鹅同叉烧。都几快手，唔洗十分钟搞掂走人，埋单竟然只系四百几蚊！好抵！！重点系一返到屋企打开发现佢仲要超大份！！啲又烧系满满一个饭盒，个饭盒仲要系大饭盒黎。屋企人都比佢吓亲。半肥叉烧仲要几好食，肥厚仲要好软身有汁！好正！忍唔住食左好多！超晒标！烧腩仔都好正，唔太咸，好香！重点系肥瘦均衡！❤️乳鸽分别系卤水乳鸽同埋烧乳鸽。系我嘅至爱，虽然系话乳鸽但系一啲都唔细只，肉质好厚！好正！烧鹅都好好食，不过个人就觉得多咗小小肥油。但因为有乳鸽所以都冇点食烧鹅。好爽！估唔到佢嘅餐厅名叫快靓正，啲烧味真系做到快靓正！平时喺元朗买，依个价钱只可以买到佢嘅一半！值得推荐！！