龍城冰室

营业中

休息中

平时经过龙城冰室都见到有好多游客帮衬。咁啱今日嚟旺角办事想快手食个晚饭，就拣咗嚟呢间食睇吓佢咩料。铺面大间，装修光猛醒神。晚市时段都满座咁滞。见佢有一人套餐，又有我最钟意食嘅招牌酸菜鱼。平时食酸菜鱼大碟嘅可能都要二百几蚊，见今次平平哋$88就可以食到，就毫不犹豫叫咗。以茶记水准嚟讲，碟酸菜鱼都几精致，连菊花瓣都有落。香料亦都落得好足。其中仲有炸蒜、芝麻，令到个酸菜鱼分外香。味道都算正宗。鱼肉片份量都算正常，系切得比较薄。其他配料有白萝卜片、酸菜、莴笋。白萝卜会比较咸，送饭比较适合。Overall 不过不失啦，以$88食到好味酸菜鱼嚟讲，可以满足吓口瘾。