阿四車仔麵 (已結業)

车仔面对我嚟讲真系快食既不二之选，钟意点配咩𩠌就咩𩠌，今日就经过呢间阿四车仔面，装潢光猛四四正正，都坐得几舒服😄呢度除咗食车仔面仲有其他饭类同西式下午茶，算几多款式选择👍🏻不过我同朋友就想食面所以都系拣返车仔面🙈朋友懒得选择就拣咗个招牌面，啲配料仲要款款中哂佢口味，有齐鱼蛋、鱿鱼、猪皮、猪大肠、鸡翼尖、萝卜、卤水蛋、瑞士鸡翼同猪红，一碗面有齐九样𩠌都系$60，坚抵食！当中必推瑞士鸡翼、猪皮同萝卜，呢几款好入味👍🏻好正！另外就叫左碗米粉，配料就叫咗糖心蛋、卤水腩肉同鱼皮饺，谂住好少车仔面档会有卤水腩肉所以叫黎试下，估唔到咁好味，呢个卤水腩肉肥瘦分明，上面层肥肉好似啫喱咁好味。而糖心蛋有层阵阵嘅酒香味，令我一试难忘。而我哋仲叫咗个炸生蚝食添，估唔到车仔面都有炸生蚝食，而且炸得几好味😋呢间车仔面又真系几唔错，上菜快又几抵食，下次再嚟试过！