大渣哥茶記 (已結業)

3号风球，又落住大雨，所以就拣咗大渣哥食啲嘢医下肚先。系餐厅门口，就有位员工帮手打开门，仲好温柔咁话「入咗黎先啦，出面好大雨呀！」超友善！！！佢餐单上嘅标题超有趣。然后我同另一半分别嗌咗干炒牛河同星州炒米嘢饮方面就一杯热鸳鸯一杯可乐（系冰底㗎）都系下午茶餐。首先干炒牛河先，佢啲牛肉俾得啱啱好，唔会得几块仔，之后佢个味道都几好，唔会太咸亦都唔会太淡啱啱好。河粉又唔系炒到黐埋一旧旧𠮶啲，条条都分明。然后佢个星州炒米嘅配料份量都好好，有几只虾仁。佢味道分面就有好重嘅咖喱味，炒得非常干身。热鸳鸯嘅奶茶味好出👍🏾