餃掂快線

荔枝角地铁站一出，就见到呢间饺掂快线！饺掂我有食过，但饺掂快线系咩嚟？落几级楼梯入去，就见到呢间新铺，多数系围边高枱，好似几岩赶时间又自己食的人，不过现场都多情侣坐埋一齐呢度实行先畀钱，后上菜！款式口味嘢饮都多选择我拣咗1号嘅至尊松茸汤饺8只，承惠$80！汤系配状元九鼎汤，上网查系用顺德活鲮鱼、香山活鲗鱼、红萝卜、扁豆、赤小豆、新会陈皮、蜜枣及鲜排骨煲成，足料得嚟，又有清热袪湿、健脾开胃、消暑的功效，岩晒夏天饮！饺子皮薄肉好饱满，松茸粒都多，而且仲feel到松茸滑溜溜的质感，口感几特别！另外，我加$28试左支山楂雪梨水，呢支系佢哋自家制的，觉得都几抵！饮落口有山渣酸尾尾的味道，好开胃；夹杂雪梨的清甜，可以解腻，无论食前定食后都岩饮，而且饮得出系纯天然，无添加多余的糖，呢啲值得加分！