新東記魚蛋粉

营业中

休息中

放左工同同事求其食啲野先返去，同事话去食鱼蛋粉，都好吖，好耐无食过。唔上开饭都唔知呢间鱼蛋粉舖有张咁耐，第一篇食评系2008年，哗，犀利！鱼蛋河（$30）同事真系叫左鱼蛋粉，一碗入面有鱼蛋同鱼片，潮式个种白鱼蛋，爽口弹牙几正㖞。牛腩米（$30）自己叫左牛腩米，炆得好淋，一咬就碎不会痴牙，最正系有葱同冬菜，少少咸同米粉一齐食啱哂，汤底很清淡，食完无口渴。腐乳通菜（$10），再叫左碟郊外油菜一齐食，可选蚝油菜心或腐乳通菜，我地拣左后者，腐乳淡橙色的，咸咸地少少辣好正，通菜嫩口无渣，唔错唔错。简简单单又一餐，食饱饱返去了。