Kim's Bowl (遠東金融中心) (已結業)

依间系外卖店，主打韩式料理，有饭卷、便当、芝士条同腐皮寿司，环境干净企理，地理位置又非常方便。本身都想食拌饭，但想食个款已经卖哂，同同事望望下就决定食依个韩式腐皮寿司。嗌咗两个set，另外配咗饮品。佢都几多嘢拣，有柚子茶、生姜茶、红枣茶同青橘子茶，如果啱饮仲可以买一樽樽嘅返去冲。腐皮寿司出炉热辣辣，我最中意系辣鱿鱼同辣泡菜猪肉，两个配上传统腐皮都好惹味，加上里面嘅饭都有调味过，一啲都唔会单调。另外沙律就比较清新，粟米有甜味，沙律酱唔会太稠，食落唔好滞。酱烧牛肉同鱼干小仔都比较甜口，馅料丰富。成个食落都好特别新奇，带走又方便，包装又几好睇。