大宮

营业中

休息中

去element 行街睇完戏，谂住去超市买嘢返屋企食，点知就俾超市内其中一间餐厅吸引左！呢度有多款日式定食，有饭，拉面，荞麦面都有！叫咗大宫和膳（牛肉）同炸猪扒定食，两款定食都包埋面豉汤同沙律菜。面豉汤有豆腐同昆布，唔会太咸；椰菜丝就切得好整齐，有青椰菜同紫椰菜丝，仲有蕃茄仔，食落清新又爽脆。牛肉即时用铁板炒热，伴上甜甜地嘅酱汁，面头洒上芝麻，牛肉够嫩，加上芝麻香，真系拌饭一流!炸猪扒外层脆卜卜！金黄色，卖相吸引！猪扒一啲都唔干，仲可以配埋健康嘅红米饭，食多两旧都唔觉得邪恶！另外点多一份炸饺子，香脆又有肉汁！每款食物上枱都有快又准，唔错唔错。