鼎家喜筷 (已結業)

点解我咁讲呢？因为佢限时，但系任食，讲嘅系任加鸡肉。秘制鸡煲可以拣辣度，酱汁里面花椒越食越麻嘅感觉最爽，鸡件肉多，会有鸡髀肉，又有鸡翼，比起一般出边食嘅鸡煲，我觉得佢鸡肉比较滑。其实加多一转已经非常足够，仲可以食完鸡煲加上汤做火锅汤底，估唔到系另一种风味，唔会净系一种鸡煲味嘅汤底。偏鲜甜，令到新鲜蔬菜粟米金菇等等，放咗落去之后加埋本身嘅鲜甜味更加好味！样样火锅料都系几十蚊咋，叫咗个珊瑚蚌非常新鲜，烚两烚好啦，爽脆鲜味！仲有鲜腐竹好香豆味同火锅必食嘅出前一丁。食鸡煲火锅冻饮唔少得，两款饮品任饮，都系每位加$28 ，性价比都几高。