影片
更多
2019-09-30
38 浏览
睇show前系tst行街，随心揾间餐厅食埋晚餐，行经呢间面店以为系食拉面，因为外面睇装修非常日式，停低细心睇先知系食系车仔面，咁就引咗我地入去～除咗三𩠌车仔之外，仲有啲配好嘅特色面。一饭一面一𩠌一饮 二人前富贵面 $88顾名思义就系富贵版车仔面，见到价钱有犹豫一下，但望真啲其实有鲍鱼、花胶同花菇，呢个价位其实差不多。全部𩠌嘅份量都好足，我地两人share都啱啱好可以试到。鲍鱼鲜甜厚肉，花胶都花茹都好入味！汤底有别于一般车仔面嘅重口味，餐牌写系特浓猪骨汤，但饮落反而觉得鲜甜，冇好重嘅味精味。面底嗌咗幼面，煮得刚好唔太过硬。辣辣油好正！落咗少少已经好香～芝士蘑菇鸡翼 $32推介要嗌呢款小食，无骨鸡翼已经正，仲有咬落去有芝士！！里面肉汁超多，个鸡皮又烧到金黄香脆，好想疯狂食！！广岛蚝汤泡饭 $80非常特别嘅一个蚝仔饭，唔系平时食到个种味黎架～又多蚝大大因为加咗椰汁所以个汤超级奶白色，又滑又甜，食头一两啖真系觉得好特别，不过椰汁嘅甜味太突出啦，食到一半就开始有点腻建议叫店员落少啲椰汁，或者唔钟意可以走椰汁～～今次反而冇食车仔面𩠌，但整体啲款都好特别，钟意试新野嘅可以一试～
睇show前系tst行街，随心揾间餐厅食埋晚餐，行经呢间面店以为系食拉面，因为外面睇装修非常日式，停低细心睇先知系食系车仔面，咁就引咗我地入去～
除咗三𩠌车仔之外，仲有啲配好嘅特色面。
一饭一面一𩠌一饮 二人前
富贵面 $88
顾名思义就系富贵版车仔面，见到价钱有犹豫一下，但望真啲其实有鲍鱼、花胶同花菇，呢个价位其实差不多。
全部𩠌嘅份量都好足，我地两人share都啱啱好可以试到。鲍鱼鲜甜厚肉，花胶都花茹都好入味！
汤底有别于一般车仔面嘅重口味，餐牌写系特浓猪骨汤，但饮落反而觉得鲜甜，冇好重嘅味精味。
面底嗌咗幼面，煮得刚好唔太过硬。
辣辣油好正！落咗少少已经好香～
芝士蘑菇鸡翼 $32
推介要嗌呢款小食，无骨鸡翼已经正，仲有咬落去有芝士！！里面肉汁超多，个鸡皮又烧到金黄香脆，好想疯狂食！！
广岛蚝汤泡饭 $80
非常特别嘅一个蚝仔饭，唔系平时食到个种味黎架～又多蚝大大
因为加咗椰汁所以个汤超级奶白色，又滑又甜，食头一两啖真系觉得好特别，不过椰汁嘅甜味太突出啦，食到一半就开始有点腻
建议叫店员落少啲椰汁，或者唔钟意可以走椰汁～～
今次反而冇食车仔面𩠌，但整体啲款都好特别，钟意试新野嘅可以一试～
张贴
