旺囍車仔麵 (已結業)

旺角豉油街呢度原来有车仔面食。呢度比较细，食得比较辛苦。同埋呢度嘅洗手间好唔卫生，建议如果要去洗手间一早去咗先。我哋都好肚饿两个人买咗两碗面，再加小食。我冇睇到我朋友原来咁啱都系落咗猪红大肠，而我点嘅小食，咁岩有一个系韭菜朱红大肠萝卜。虽然有少少重复左，但系我哋都食得晒。因为要赞一赞呢度啲猪红，系真系猪红嚟嘅！平时喺其他地方食到嘅，可能系鸡红。呢度＄40就已经有好大碟嘅韭菜，据说韭菜系有洁肺嘅功能，食多啲都无妨啦。同埋呢度嘅萝卜亦都好大件，够爽口。我朋友叫咗幼面而我就叫咗薯粉。薯粉亦都系幼身嘅，冇谂过系店里边最后一个叫做薯粉嘅人yeah!成碗面嘅份量亦都好多，我叫左少少冬菇，啲冬菇真系有鲍汁味，好入味，同埋细细粒粒咁样好易入口。碗里面仲有少少菜心，新鲜同比一段餐厅既量多。另外个鱿鱼虽然啲肉质好，但系我反而唔系好钟意佢嘅口感。我钟意脆同爽嘅感觉，暂时欠奉。但系我哋都清晒。每人平均消费80几蚊，食到咁多野，还好啦。