廿一堂

营业中

休息中

快餐店比我感觉一个字*颓*！不过世事无绝对，比我发现将军澳呢间廿一堂走中胶档路线㖞！黄色的格局九丈远到见到佢，装饰好成功噃！自助形式快餐竟然有一口和牛铁板烧定食，会唔会太豪华呢！鬼死咁热整两杯冻饮降温先，老婆大人拣咗巨峰椰果梳打特饮，我就拣咗绿茶红豆冰特饮，绿茶味几香加埋够淋嘅红豆好味啊！板烧定食有前菜、面豉汤仲有白饭一碗，百松D蚊已经好鬼丰富！   和牛粒有成6、7粒仲鬼咁多雪花好靓啫！ 用铁板烧炉自己烧嚟食太自由喇！钟意几熟烧几熟最啱我呢D茹毛饮血的人客！加D牛油起炉烤香质素唔错嘅和牛，食落有牛肉味仲又淋又滑正到不得了！仲有些少菜配埋唔使净系肉腾腾咁肥腻！老婆大人拣咗佢最like嘅廿一蒲烧鳗鱼丼，一嚿水有找大大碗又成半条鳗鱼好抵食，佢话好食过台湾𠮶间浜松屋多多声㖞！搅到佢劲想屋企楼下有一间！