一人前拉麵

营业中

休息中

某天入元朗工作完之后想话食个便饭，行咗一阵发现呢间「一人前」，门外装修都几有日本特色而且成间店都好似传统拉面店咁用木材布置，于是就把心一横去试下啦！店内比较细而且当日冇咩人于是被安排坐喺bar枱，不过咁就可以清楚望到厨师煮食。睇完一轮餐牌决定叫两碗拉面：「白前」同「热燗」同埋一份饺子白前热燗首先试个汤底，由于热燗系微辣嘅，所以一开始试咗白前嘅叫汤底先，个人认为白前嘅汤底好味啲同香浓啲，热燗由于加咗辣再加上有个辣肉球，令到汤底似一个咸汤多啲。热燗特别之处就系中间粒辣肉球，有啲似上海菜嘅狮子头不过系辣版，认为略咸同浓啲，所以搅匀入汤底会比较好。两碗面都拣咗硬面，一食落系爽口而且吞落去唔顶胃，抵赞！特别要提嘅系佢啲叉烧好大块，肥瘦适中而且唔鞋口唔韧最后再上埋个饺子，应该系最普通果只饺子，配咗饺子汁食好味啲！个人觉得拉面同汤底质素都属中等，不过未发现到特别之处，若然要求快餐或者同朋友小聚都可以黎呢度一试。