大家樂 (嘉里中心)

营业中

休息中

落雨天气又冻, 就决定留返系公司附近食午饭。平时食lunch都唔钟意食太饱, 所以尽量都食粉面, 但今日又突然好想食烧味, 就问下收银姐姐四宝饭可唔可以转米粉, 原来系可以的, 另外再加钱配多个冻柠茶少甜少冰。 个四宝米卖相好吸引, 叫左佢米粉同烧味分开上。有只豉油鸡脾仔仲有只鸡翼, 叉烧偏瘦但都唔算太干, 加埋红肠同咸蛋岩岩好。另外拎埋葱油就更有烧味既味道。杯柠茶都好饮, 四片柠檬唔太甜又真系有少冰, 成个餐唔洗五十蚊咁既质素都真系冇得输。